Estimulación sensorial

O proxecto consiste na creación de ambientes multisensoriais intelixentes deseñados para favorecer a relaxación, a estimulación cognitiva e o benestar emocional das persoas con discapacidade intelectual. Estes espazos combinan estímulos lumínicos, sonoros e táctiles que se adaptan ás necesidades de cada usuario, ofrecendo experiencias inmersivas e personalizadas que permiten a regulación sensorial de maneira controlada e segura.

A implementación realizouse mediante a integración de tecnoloxías domésticas avanzadas, como luces LED Govee, dispositivos Alexa, sensores Aqara Cube T1 Pro, Aqara Hub M1S e M2, e o controlador Broadlink Universal Remote, todos eles xestionados a través da aplicación Alexa Home. Esta infraestrutura tecnolóxica permite controlar a intensidade da luz, os sons e outros estímulos ambientais por medio da voz ou da interacción táctil, creando un entorno flexible e accesible.

Dende unha tableta, facendo uso da aplicación propia de Goove, pódese xestionar a iluminación da sala, elixindo entre cores específicas ou escenas predefinidas que combinan luces, sons e efectos para xerar distintas atmosferas. Os cubos interactivos permiten activar escenas completas cun movemento, facilitando a participación das persoas con dificultades motoras. A través do dispositivo Broadlink, é posible controlar a televisión por voz, acendendo, apagando ou cambiando de canle sen usar mandos tradicionais. Ademais, con Alexa, pódese modificar a cor e intensidade das luces mediante comandos de voz, potenciando a autonomía e a estimulación sensorial de quen utiliza o espazo.