BaloncesTIC
Fabricación dunha diana con luces e sensores para traballar funcións psicomotrices.
Descrición xeral de proxecto
Desenvolvemento e fabricación dunha diana interactiva equipada con luces e sensores para fomentar a estimulación psicomotriz. Este dispositivo permite traballar a coordinación óculo-manual, o tempo de reacción e a precisión dos movementos a través de xogos e retos personalizados.
A configuración e os niveis de dificultade da diana foron adaptados para cubrir as diferentes necesidades dos usuarios, seguindo as recomendacións dos profesionais. Ademais, integráronse opcións de accesibilidade, como códigos de cores, pictogramas e axustes de sensibilidade, para garantir unha experiencia inclusiva.
Desglose técnico do proxecto
Montáronse dous armarios xemelgos cun deseño adaptado á estimulación e ao xogo inclusivo. Cada un deles conta con varios buratos de diferentes tamaños no frontal e cunha cesta na parte superior, permitindo encestar as bólas de múltiples maneiras segundo as capacidades e preferencias do usuario.
Cando unha das bólas é introducida por un dos buratos, impacta no fondo do armario e activa un sensor de vibración, o cal está conectado a unhas luces LED Govee que se acenden de inmediato. Deste xeito, proporciónase un reforzo positivo visual e motivador para a persoa xogadora, fomentando a participación activa e a resposta inmediata durante a actividade.
Equipo de traballo
- Doutora Adriana Dapena Janeiro, Enxeñería Informática, Grupo de investigación GTEC
- Doutora Patricia Concheiro Moscoso, Terapeuta Ocupacional, Grupo de Investigación TALIONIS
- Paula de Santos Dorrego, terapeuta ocupacional, grupo de investigación TALIONIS
- Raúl Fraiz Gómez, terapauta ocupacional
- Manuel Lagos Rodriguez, enxeñeiro informático, grupo de investigación TALIONIS
- Jorge Rivadulla Brey, enxeñeiro informático, grupo de investigación TALIONIS
- Iago Fernández Garrido, enxeñeiro informático, grupo de investigación TALIONIS
