Dotación e configuración de equipos tecnolóxicos adaptados para mellorar a comunicación, a aprendizaxe e o acceso ao ocio dixital nos CAPD. A selección de dispositivos fíxose tendo en conta as necesidades dos profesionais e usuarios, asegurando que cada equipo inclúa software e aplicacións de interese terapéutico, favorecendo o desenvolvemento de habilidades cognitivas e motoras.
Os dispositivos seleccionados inclúen:
Tablets e ordenadores con software de accesibilidade, con opcións de lectura fácil, narracións en voz alta e interfaces personalizables para facilitar o acceso á tecnoloxía.
Aplicacións de Comunicación Aumentativa e Alternativa (CAA), como sistemas de pictogramas, comunicadores e teclados adaptados.
Programas de estimulación cognitiva, con xogos e exercicios que reforzan a memoria, a atención e a linguaxe.
Productos de apoio, como teclados de contraste, botoneras ou ratones adaptados, que permitan o acceso a diferentes capacidades motoras e cognitivas.
Todos os dispositivos foron configurados con opcións de personalización segundo as necesidades individuais dos usuarios. Ademais, prestouse especial atención á integración de opcións de accesibilidade nos sistemas operativos e aplicacións, garantindo un uso sinxelo e adaptado. Tamén se impartiuse formación ao persoal dos CAPD para maximizar o aproveitamento destes recursos tecnolóxicos no seu uso terapéutico e educativo.
