A personalización de robots sociais para o seu uso en sesións terapéuticas permite ofrecer experiencias interactivas e motivadoras ás persoas con discapacidade intelectual. Estes robots poden desenvolver actividades de estimulación cognitiva, xogos de aprendizaxe e tarefas recreativas que favorecen o desenvolvemento emocional, social e comunicativo.
Os robots foron configurados para integrar tecnoloxías de Comunicación Aumentativa e Alternativa (CAA), como pictogramas e mensaxes de voz simplificadas, facilitando a interacción dos usuarios. As actividades foron deseñadas baseándose nas necesidades dos profesionais e usuarios, promovendo a aprendizaxe, a interacción social e o desenvolvemento de habilidades específicas.
